Türkmenistanyň Saglygy goraýyş we derman senagaty ministrliginiň Saglygy goraýşyň habarlar merkezi Möwsümleýin ýiti respirator ýokanç keselleriniň öňüni almak boýunça aşakdakylary ýatladýar! 

1. Beden taýdan işjeňligi ýokarlandyrmaly we sport bilen meşgullanmaly;

2. Burnuň nemli bardasyna oksolin melhemini çalmaly;

3. Pasyllara görä geýinmeli;

4. C witamine baý önümler bilen iýmitlenmeli;

5. Iş ýerinde we öý otaglarynda wagtal-wagtal penjireleri açyp, howanyň tämiz  bolmagyny üpjün etmeli;

6. Gyzyl burç ýa-da sarymsak goşulan unaş bilen iýmitlenmeli. Sarymsak bilen burç bedeniň kesele garşy göreşijilik ukybyny ýokarlandyrmaga ýardam berýän biologik işjeň maddalara baýdyr;

7. Dümewiň ilkinji alamatlary ýüze çykan ýagdaýynda, hökman maşgala lukmanyna ýüz tutmaly;

8. Asgyrylanda we üsgürilende, elýaglyk bilen agzyňy we burnuňy ýapmaly;

9. Elleri elmydama arassa saklamaly, onuň üçin nahardan öň we soň, hajathanadan soň, daşardan geleniňizden soň, elleriňizi sabyn bilen gowy ýuwmaly;

10. Derman serişdelerini lukman bilen maslahatlaşman, özbaşdak kabul etmeli däl. Esasan hem bu antibakterial serişdelere degişlidir;

11. Türkmenistanda ösýän  dermanlyk ösümliklerden  taýýarlanan melhem çaýlaryny içmeli.