«Türkmenaragatnaşyk» agentligi tarapyndan «Sanly çözgüt — 2022» atly innowasion taslamalar bäsleşigi geçiriler. Bäsleşik ýurdumyzyň ýaş alymlarynyň sanly çözgütlerini öwrenmek we olaryň taslamalaryny durmuşa geçirmäge kömek etmek, şeýle-de ýurdumyzda sanly ulgamy ornaşdyrmagyň depginlerini güýçlendirmek maksady bilen geçirilýär.


Bäsleşige ýaş alymlar, talyplar we bu ugur boýunça zähmet çekýän hünärmenler gatnaşyp bilerler we saglygy goraýyş, ylym-bilim; ulag-logistika; elektron senagat; oba hojalyk; hyzmatlar ulgamy; robototehnika ugurlary boýunça taslamalaryny hödürläp bilerler.


Bäsleşikde tapawutlananlara gymmat bahaly sowgatlar we diplomlar gowşurylar.


Bäsleşige gatnaşmak üçin teklipleri bermegiň möhleti 1-nji oktýabrda tamamlanýar.