Golaýda, Sarahs etrabyndaky 21-nji orta mekdebiň sport meýdançasynda, «Türkmenistan» Ýaşlar bedenterbiýe-sport guramasynyň welaýat bölümi, etrap bilim bölümi, Türkmenistanyň Magtymguly adyndaky Ýaşlar guramasynyň welaýat we etrap Geňeşleri bilelikde guramagynda, mekdep okuwçylarynyň arasynda «Türkmenistan — ruhubelentligiň we sagdynlygyň ýurdy» atly XII spartakiadanyň çäginde kiçi futbol ýaryşy geçirildi.

Mekdep okuwçylarynyň bu ýaryşa taýýarlykly gelendigine çekeleşikli duşuşyklar aýdyňlygy bilen şaýatlyk etdi. Olarda ýaşlar öz erjelligini doly görkezmäge synanyşdylar. Bu bolsa güýçli toparlary öňe saýlamaga mümkinçilik berdi. Ýaryşyň netijesinde etrapdaky 1-nji orta mekdebiň toparyna taý gelen bolmady. Ol ýaryşyň ýeňijisi boldy. Ýaryşda ikinji orny 10-njy, üçünji orny bolsa 17-nji orta mekdepleriň toparlary eýeledi.