Sagdyn durmuş ýörelgelerini, halkymyzyň milli däp-dessurlaryny ildeşlerimiziň arasynda wagyz-nesihat etmek maksady bilen Sarahs etrap häkimliginiň, etrabyň jemgyýetçilik guramalarynyň, etrap hassahanasynyň bilelikde guramagynda geçirilen wagyz-nesihat duşuşyklary uly täsirlere beslenýär. Etrabyň jemagat hojalygy müdirliginiň, awtoulaglar kärhanasynyň, aragatnaşyk bölüminiň işgärleriniň arasynda guralan duşuşyklarda hormatly Prezidentimiziň ilatyň saglygyny gorap saklamak, keselleriň döremeginiň öňüni alyş çärelerini güýçlendirmek babatda edýän taýsyz tagallalarynyň ähmiýeti hakda giňden gürrüň edildi.

Milli ýol-ýörelgelerimize, däp-dessurlarymyza, urp-adatlarymyza sarpa goýup, olary ýaşlaryň arasynda wagyz-nesihat etmegiň möhümdigi dogrusynda aýdylanlar gyzgyn goldaw tapdy.