Türkmenistan –rowaçlygyň Watany ýylynda Sarahs etrabynyň edermen babadaýhanlary şu ýyl döwlete pagta tabşyrmagyň şertnamalaýyn tabşyrygyny üstünlikli berjaý edip, uly zähmet ýeňşini gazandylar. Olar üstümizdäki ýylda 15300 gektar meýdana gowaça ekip, ol meýdanlardan 27800 tonna hasyl almagy meýilleşdirip, göz öňünde tutulan tabşyrygy ilkinjileriň  hatarynda berjaý etmegiň hötdesinden geldiler. Ýurdumyzyň edermen babadaýhanlary üçin Hormatly Prezidentimiziň döredip berýän giň  mümkinçilikleri bu gün sarahsly pagtaçylara ýeňiş getirdi. Etrabyň daýhan birleşikleriniň 10-sy, daýhan hojalyklaryň 2-si döwlete pagta tabşyrmagyň şertnamalaýyn tabşyrygyny üstünlikli berjaý etmek ugrunda ýokary guramaçylyk çärelerini doly derejede üpjin edip, bol hasylyň kemala getirilmeginde ol hojalyklaryň pagtaçy kärendeçileri zähmetiň ajaýyp nusgasyny görkezip işlediler. Ýygym möwsümine girişilmegi bilen etrap häkimliginiň, jemgyýetçilik guramalarynyň hasyly çalt we ýitgisiz ýygnap almak barada düzülen iş meýilnamanyň çäklerinde jogapkärli möwsüme zähmet adamlarynyň işjeň çekilmegi ýola goýuldy.Pagta meýdanlarynda bu işe işjeň çekilen öňdebaryjy kärendeçilik toparlarynyň, kärendeçileriň,  pagta ýygyjy maşynlaryň sürüji-mehanikleriniň, pagta daşaýjy awtoulaglaryň sürüjileriniň arasyndahöweslendiriş, medeni köpçülik çäreleriniň yzygiderli guralmagy pagtaçylary täze ýeňişlere ruhlandyrdy. Altyn –güýzüň bereketli gowaça hasylyny ýygnap almagyň ussatlary hökmünde Sarahsly pagtaçylar arzyly pellä ýetip, uly zähmet ýeňişini gazandylar. Bu gazanylan üstünlikde etrabyň “Bereket”, A.Tekäýew adyndaky, “Bugdaýly”, daýhan birleşikleriniň pagtaçylarynyň gazanan üstünligi has saldamly boldy. Etrabyň pagtaçylarynyň gazanan zähmet ýeňşiniň şanyna etrap medenýet öýünde aýdym sazly dabara guralyp onda täsirli çykyşlara giň orun berildi. Pagta tabşyrmagyň meýilnamalaýyn şertnamasyny üstünlikli berjaý eden etrabyň gazanan üstünligine mynasyp goşant goşan pagtaçylaryň birnäçesine Türkmenistanyň Prezidentiniň adyndan gymmat bahaly sowgatlary dabaraly ýagdaýda gowşuruldy.