Ýurdumyzda raýatlarymyzyň saglygyny goramak, dürli ýokanç keselleriň öňüni almak maksady bilen degişli çäreler döwlet derejesindäki talaplara laýyklykda geçirilýär. Pasyllaryň çalyşmagy bilen baglylykda ýüze çykyp biläýjek möwsümleýin ýiti repirator keselleriniň öňüni almak maksady bilen pasyllara görä gün tertibini dogry alyp barmak zerur bolup durýar.

        Ýokanç kesellerden goranmak üçin sanitariýa-arassaçylyk düzgünlerini berjaý etmek bilen bir hatarda keselleriň öňüni almak maksady bilen milli tagamlarymyz bolan gyzyl burç goşulan unaşy, sarymsagy iýmek maslahat berilýär.

        Ýurdumyzyň howa şertleri sarymsagy ösdürip ýetişdirmek üçin örän amatlydyr. Sarymsagyň iýmitlik we kesel bejerijilik häsiýetleri adamlara gadym zamanlardan bäri mälim bolupdyr. Özüne mahsus hoşboý ysy we tagamy bolan sarymsak ter görnüşinde şöhlat hem-de konserwa önümçiliginde giňden peýdalanylýar.

        Kesel bejerijilik häsiýetine eýe bolan sarymsagyň düzüminde demir maddasy köp bolup, ýurdumyzda onuň esasan, ýerli ak sarymsak, melewşe sarymsak ýaly birnäçe görnüşleri ösdürilip ýetişdirilýär. 

        Dermanlyk häsiýetine eýe bolan sarymsagy iýmit hökmünde şeýle-de sanitariýa-arassaçylyk düzgünlerini berjaý etmekde kesel dörediji bakteriýalary ýok etmekde giňden peýdalanmak maslahat berilýär.