Şu gün Türkmenistanyň Prezidenti Serdar Berdimuhamedow Aşgabat şäherindäki Birleşen Arap Emirlikleriniň Prezidenti Şeýh Zaýed bin Sultan Al Nahaýýan adyndaky Döwletliler köşgüne bardy.

Döwlet Baştutany Birleşen Arap Emirlikleriniň Prezidenti Şeýh Zaýed bin Sultan Al Nahaýýan adyndaky Döwletliler köşgünde terbiýelenýänleri Çagalary goramagyň halkara güni bilen gutlady we olara ýadygärlik sowgatlary berdi. Kiçi ýaşly okuwçylara dürli görnüşdäki oýunjaklar, gurjaklar, oýnawaç awtoulaglar, uly ýaşly mekdep okuwçylaryna bolsa «iPad» şeýle-de ähli ýaşdaky çagalara tomusky sport lybaslary hem sowgat berildi.