Ýakynda, Türkmenistanyň Kärdeşler arkalaşyklarynyň Ahal welaýat we Ak bugdaý etrap birleşmeleriniň guramagynda Änew şäherinden uzakda bolmadyk ýerde ýerleşýän Seýit Jemaleddin ýadygärlikler toplumyna syýahat guraldy. Oňa Kärdeşler arkalaşyklarynyň işjeň agzalary gatnaşdy.

Syýahat mahalynda oňa gatnaşyjylara Änew düzlüginiň şeýle-de gadymy Seýit Jemaleddin ýadygärlikler toplumynyň taryhy hakda täsirli gürrüň berildi. Berilen gyzykly gürrüňler aýratyn ünsi çekiji boldy.

Syýahata gatnaşyjylar ýadygärlikler toplumyna gyzyklanma bilen aýlandylar. Onuň binagärlik sungatynyň özboluşly äheňleri ildeşlerimizde uly täsirleri döretdi.