Ikinji jahan urşundan soň Germaniýany gündogar we günbatary diýip ikä bölen, sowuk urşuň nyşany bolan Berlin diwarynyň ýykylanyna 33 ýyl boldy.

Berlin diwary - 1989-njy ýylyň 9-njy noýabrynda ýykyldy. Ol başgaça «Utanç diwary» hökmünde hem häsiýetlendirilýär. Diwar 3,6 metr beýiklikde bolup, 1961-nji ýylda guruldy. Sowuk urşuň nyşanyna öwrülen we şäheriň ortasyndan geçýän Berlin diwary şäherde takmynan 44 kilometre çenli ýetýärdi.

Berlin diwary 28 ýyl durdy. Onuň birnäçe ýerinde 300-den gowrak gözegçilik diňleri ýerleşdirildi. 1989-njy ýylyň 9-njy noýabrynda Berlin diwarynyň ýykylmagy dünýäde Sowuk urşuň gutarmagyna sebäp boldy.