Iki döwletiň arasynda özara peýdaly medeni gatnaşyklary has-da ösdürmek we giňeltmek maksady bilen 2024-nji ýylyň 3 — 5-nji apreli aralygynda Täjigistanda Türkmenistanyň medeniýet günleri geçiriler.

Maksatnama laýyklykda, Täjigistanda Türkmenistanyň medeniýet günleriniň resmi açylşy we Türkmenistanyň sungat ussatlarynyň konserti 3-nji aprelde sagat 16:00-da Sadriddin Aýni adyndaky Täjigistan döwlet akademiki opera we balet teatrynda geçiriler. Şeýle hem, Medeniýet günleriniň çäginde 4-nji aprelde Täjigistanyň Milli muzeýinde sagat 10:00-da Türkmenistanyň halk senetleriniň nusgalaryny we surat eserlerini özünde jemleýän sergi açylar.

Türkmenistanyň medeniýet günleriniň dowamy hökmünde 4-nji aprelde «Kohi Borbad» döwlet toplumynda Täjigistan Respublikasynyň we Türkmenistanyň sungat ussatlarynyň bilelikdäki «Dostluk agşamy» konsert programmasy geçiriler.

5-nji aprelde Medeniýet günlerine gatnaşyjylar Respublikanyň şäherlerine we sebitlerine baryp, tomaşaçylara medeni çykyşlaryny hödürlärler.

Güljemal OMAROWA,
Beki Seýtäkow adyndaky 
mugallymçylyk mekdebiniň 
mugallymy.