Täjigistan Respublikasynyň Hatlon welaýatynyň Dusti etrabynyň Ergeş Sultanow daýhan birleşiginde, Türkmenistanyň Daşary işler ministrliginiň buýurmasynyň esasynda 540 orunlyk Magtymguly adyndaky umumybilim berýän orta mekdep gurlar. Şeýle hem Özbegistanyň paýtagty Daşkent şäherinde Türkmenistanyň ilçihanasynyň işgärleri üçin 12 öýli ýaşaýyş jaýyy gurmak meýilleşdirilýär. Bu gurluşyklaryň taslamalaryny düzmek we alyp barmak baradaky halkara bäsleşik yglan edildi.

Belläp geçsek, türkmeniň akyldar şahyry Magtymguly Pyragynyň hormatyna 2014-nji ýylda Russiýanyň Astrahan oblastynyň Priwolžsk etrabynyň Funtowo obasynda Türkmenistanyň hususy gurluşyk kärhanasynyň ýerine ýetirmeginde Magtymguly Pyragy adyndaky 190 orunlyk döwrebap orta mekdep ulanmaga berlipdi.