Mälim bolşy ýaly, 2021-nji ýylyň ýazynda Gahryman Arkadagymyz Tatarystan Respublikasynyň Prezidenti Rustam Minnihanowa Türkmen alabaýynyň güjüjegini sowgat beripdi. Tatarystan Respublikasynyň Prezidenti Rustam Minnihanow sowgat berilen Türkmen alabaý itine Akdus adyny dakypdy. «Akdus» terjime edilende «Ak dost» diýmegi aňladýar.

Ýakynda,  Tatarystan Respublikasynyň Prezidenti Rustam Minnihanow Akdus atly türkmen alabaýy bilen düşen wideosyny sosial jemgyýetçilik torunda paýlaşdy.

Minnihanow: «Eýýäm bir ýyl ýaşady! Çalt ulalýar. Bu gün Akdusyň doglan güni» diýip, belläp geçdi.