Dünýä ýüzünde Täze ýyl dürli-dürli bellenilýär. Ýewropanyň birnäçe ýurtlarynda Täze ýylyň şanyna kiçijik jaýlardan ybarat Täze ýyl şäherçesiniň (Roždestwo) sergisi  geçirilýär. Sergi ilkibaşda Protestant ybadathanasynda geçirilýär. Şondan soň halk tarapyndan halanylyp, her ýyl belli-belli günlerde Täze ýylyň öň ýanynda Täze ýyl şäherçesiniň (Roždestwo) sergisi  gurnalýar.

Täze ýyl şäherçesinde esasanam kiçijik jaýlar, sagatly diňler, galalar, arça agaçlary, garjagazlar, haýwanjyklar we ş.m. bar. Şäherçä has-da Täze ýyl ruhuny bermek üçin kiçi adamjyklar hem ýerleşdirilýär. Soňra ähli jaýlar yşyklandyrylýar we gaty owadan görnüş bolýar. Müňlerçe adamlar sergini synlamak üçin gelýärler.

Aslynda, Täze ýyl şäherçesiniň (Roždestwo) sergisi başda agaçlary ýonup ýasalypdyr. Wagtyň geçmegi bilen we tehnologiýanyň ösmegi bilen şäherçäniň ähli zatlary 3D printerlerde ýasalýar.

Birnäçe ýurtlarda Roždestwo sergisi tamamlanandan soň bu Täze ýyl şäherçesi satylýar. Ýa-da şäherçedäki kiçijik jaýlar, sagatly diňler, galalar, arça agaçlary, garjagazlar, haýwanjyklar bölekleýin satylýar.

Häzirki wagtda owadan we özüne çekiji Täze ýyl şäherçesini internet arkaly satyn almak mümkin. Olaryň agaçdan elde ýasalan görnüşleriniň nyrhy birneme gymmat, 3D printerlerde ýasalan görnüşleriniň nyrhy bolsa arzan bolýar. Täze ýylda Roždestwo şäherjigi sowgat bermek üçin iň gowy pikirdir. 

Aýlar ATAÝEWA,

Döwletmämmet Azady adyndaky 
Türkmen milli dünýä dilleri 
institutynyň talyby.