Ak bugdaý etrabyndaky ýöriteleşdirilen 46-njy orta mekdepde tebigy ugurly dersler boýunça hepdelik geçirildi. Etrap bilim bölümi tarapyndan guralan hepdelige okuwçy ýaşlar höwesli gatnaşdylar.

Hepdeligiň dowamynda gujurly ýaşlaryň tebigaty öwreniş, ýaşaýyş-durmuş esaslary, geografiýa, ekologiýa, oba hojalyk zähmeti okuw dersleri boýunça zehinine, ugurtapyjylygyna göz ýetirmäge mümkinçilik boldy. Okuwçy ýaşlaryň taýýarlan taslama işlerine gyzyklanma aýratyn uly boldy. Bu hepdelik tejribeli mugallymlaryň döredijilikli we netijeli zähmetiniň ýerine düşýändigini hem aýdyňlygy bilen äşgär etdi.

Hepdelikde tapawutlanan zehinli ýaşlara Türkmenistanyň Magtymguly adyndaky Ýaşlar guramasynyň sowgatlary gowşuryldy.