Tejen etrabynyň maldarlary hem «Halkyň Arkadagly zamanasy» ýylynda dowarlardan owlak-guzy almak babatdaky meýilnamalaryny üstünlikli ýerine ýetirýärler. Etrabyň maldarlary 6020 baş ene dowardan owlak-guzynyň 5610-dan gowragyny almagyň hötdesinden geldiler. Bu gün täze owlak-guzular giň ýaýlalara ýaraşyk goşýar.

Häzirki wagtda Tejen etrabynyň Ö.Japarow adyndaky, «Babadaýhan», «Agalaň», «Tejen» daýhan birleşiklerinde täze owlak-guzularyň sagdyn ösmegi, şeýle-de ene mallaryň sagdyn bolmagy ugrunda öwgä mynasyp işler alnyp barylýar. Agzalan daýhan birleşiklerdäki weterinar lukmanlar çopan goşlaryna aýlanyp, maldarlara degerli maslahatlaryny berýärler.