Ýurdumyzyň ähli künjeklerinde bolşy ýaly Ahal welaýatynyň Tejen etrabynda hem 2023-2024-nji okuw ýylynyň başlanmagynyň öňüsyrasynda bilim işgärleriniň tejribesini artdyrmak maksady bilen “Arkadag Serdarly  bagtyýar ýaşlar” ýylynyň Awgust aýynyň 14-19-y aralygynda Tejen etrabynyň 42-nji orta mekdebinde “Arkadag Serdarly  bagtyýar ýaşlar” atly şygar astynda 6 günlik Awgust usuly-amaly okuw maslahaty geçirildi. Maslahata etrap bilim bölüminiň hünärmenleri, orta mekdepleriň we çagalar baglarynyň müdirleri hem-de öňdebaryjy bilim işgärleri gatnaşdylar.

“Arkadag Serdarly  bagtyýar ýaşlar” ýylynyň Awgust aýynyň 21-ne bolsa usuly-amaly okuw maslahatynyň jemi jemlenip, etrabyň 30-njy orta mekdebiniň mejlisler zalynda  tapawutlanyp zähmet çekýän öňdebaryjy bilim işgärlerine Ylym we bilim işgärleriniň Kärdeşler Arkalaşyklarynyň Tejen etrap Geňeşi hem-de etrabyň jemgyýetçilik guramalary tarapyndan ýadygärlik sowgatlary dabaraly ýagdaýda gowşuryldy. 

      Maslahatyň ahyrynda bolsa Berkarar döwletiň täze eýýamynyň galkynyşy döwründe ýaş nesilleriň ylymly-bilimli, edep-terbiýeli ynsanlar bolup ýetişmegi üçin taýsyz tagallalary edýän hormatly Prezidentimize alkyşly sözlerini aýtdylar.
 

Myrat ÇARYÝEW
Ylym we bilim işgärleriniň Kärdeşler 
arkalaşyklarynyň Tejen etrap 
      Geňeşiniň başlygy