Tejen şäherindäki ýöriteleşdirilen dikeldiş merkeziniň mejlisler jaýynda, Türkmenistanyň Kärdeşler arkalaşyklarynyň şäher birleşmesiniň we beýleki jemgyýetçilik guramalarynyň bilelikde guramagynda «Saglygym — begligim» ady bilen wagyz-nesihat duşuşygy geçirildi.

Duşuşykda birnäçe täsirli çykyşlar edildi. Çykyşlarda Hormatly Prezidentimiziň baştutanlygynda halkymyzyň abadan, asuda ýaşaýşyny üpjün etmäge, ýurdumyzda sagdyn jemgyýeti kemala getirmäge gönükdirilen giň göwrümli maksatnamalaýyn işleriň üstünlikli durmuşa geçirilýändigi, dünýä ülňülerine laýyk gelýän lukmançylyk merkezleriniň, şypahanalaryň gurlup, ulanylmaga berilýändigi, şonuň bilen baglylykda, berkarar Watanymyzyň sagdynlygyň, bagtyýarlygyň we ruhubelentligiň mekanyna öwrülýändigi dogrusynda aýratyn bellenilip geçildi.