Şu günler Ak bugdaý etrabynyň edara-kärhanalarynda temmäkä garşy göreşmek boýunça wagyz-nesihat çäreleriniň biraýlygynyň çäginde duşuşyklardyr maslahatlar geçirilýär. Ýörite meýilnama esasynda geçirilýän çärelerde jemgyýetçilik guramalarynyň işgärleridir işjeň agzalarynyň, saglygy goraýyş, sport ulgamlarynyň işgärleriniň we hukuk goraýjy edaralaryň wekilleriniň çykyşlaryna giň orun berilýär.
Wagyz-nesihat çärelerinde ýaşlara ýaramaz endiklerden daşda durmak, sagdyn durmuş ýörelgelerine eýermek boýunça gymmatly maslahatlar berilýär. Özara sowal-jogap alyşmak çäreleriň netijeliligine oňyn täsirini ýetirýär.