Türkiýe türkmen gazyny Ýewropa getirmegiň täze ýollaryny gözleýär. Stambulda geçirilen Energetika we klimat forumynda Türkiýäniň energetika we tebigy baýlyklar ministri Alparslan Baýraktar Ankaranyň üç ýoly gözden geçirýändigini aýtdy.

“Olaryň birinjisi türkmen gazynyň swop arkaly Eýranyň üsti bilen Türkiýä geçirilmekden ybarat. Ikinjisi onuň Eýranyň we Azerbaýjanyň üsti bilen alyş-çalyş arkaly Türkiýä gelmegini göz öňünde tutýar. Amatly energiýa çeşmesi hökmünde türkmen gazy Türkiýä has berk, has durnukly we geçiriş ukyby ýokary bolan, Hazar deňzinden geçýän turbogeçirijiler arkaly geçirip bilner. Gaz üpjünçiligiň başlangyç mukdary 2 mlrd kub metre çenli bolup biler.

Bu ugurda işler alynyp barylýar, Türkiýe bilen Russiýa Stambulda gaz merkezini döretmegi meýilleşdirýär. Türkiýe Ministri “Stambulyň maliýe merkezi üçin, ilkinji nobatda, “Gazprom” bilen gaz söwda meýdançasynyň üstünde işlenilýändigini” ýatlap geçdi.“Biz bu meýdançany gysga möhletde ulanylyşa girizip bileris” diýip nygtap geçdi.

Läle IGDIROWA,
Türkmen oba hojalyk institutynyň,
1-nji ýyl talyby.