Türkmenistanyň kiokuşinkaý karate boýunça milli ýygyndy topary 19–21-nji dekabr aralygynda Özbegistanyň Nowaýy şäherinde geçirilýän «Arkalaşyk kubogy» atly halkara bäsleşige gatnaşýar. Bu halkara bäsleşik dünýäniň dürli ýurtlaryndan gelen ussat karateçileri bir ýere jemläp, ýaryşa aýratyn ähmiýet berýär. Bu barada Türkmenistanyň habarlar portaly habar berýär.

Türkmenistanyň adyndan üç türgen çykyş edýär. Topar tälimçi Meýlis Paşagulyýewiň ýolbaşçylygynda çykyş edýär Türkmen pälwanlary Aziýanyň, Ýewropanyň we Afrikanyň güýçli türgenleri bilen duşuşarlar.

Milli ýygyndy toparymyz ýaryşa gatnaşmazdan öň güýçlendirilýän okuw-türgenleşik çärelerini geçirdi. Bu taýýarlyk tapgyry olaryň taktik, tehniki we beden taýdan taýýarlygyny ýokarlandyrmaga gönükdirildi.

Türkmen türgenleriniň çykyşlary ýurdumyzdaky kiokuşinkaý karate hereketiniň ösüşine, halkara hyzmatdaşlygynyň giňelmegine hem-de ýaş pälwanlaryň sporta bolan gyzyklanmasynyň artmagyna goşant goşar diýip garaşylýar.

Kuwwat ATAÝEW,

Türkmenistanyň Döwlet energetika
institutynyň mugallymy.