Türkmenabat şäherindäki «Aýdyň asman» hususy kärhanasynda gapydyr penjireleri we dürli görnüşli metal önümlerini öndürmekde ýokary netijeler gazanylýar.

Önümçiliginde Hytaý Halk Respublikasynyň, Türkiýäniň we Italiýanyň enjamlary ornaşdyrylan bu hususy kärhanada geçen ýylda hem ýokary hilli gapydyr penjireleriň 897 müň 883 manatlygy, metal önümleriniň bolsa 68 tonnasy, ýagny 15 million 932 müň 589 manatlygy öndürilip, sarp edijilere ugradyldy. Hususy kärhana öz önümleriniň hilini ýene-de has gowulandyrmaga we eksporty ýola goýmaga gönükdirilen möhüm işleri alyp barýar.