Ýakynda Türkmenistanyň Söwda-senagat edarasynda owgan harytlarynyň sergisi geçirildi. Sergide Owganystan döwletinde öndürilýän önümler, bezeg üçin ulanylýan gurluşyk harytlary, halylar, şaý-sepler, senagat himiýasy, gök we miwe, azyk önümleri görkezildi.

Türkmen halkynyň milli Lideri Gahryman Arkadagymyz hem bu sergä baryp gördi we onda sergilenen önümlere tomaşa etdi. Iki ýurduň arasyndaky gatnaşyklary pugtalandyrmak üçin ikitaraplaýyn duşyşyk geçirildi.

Häzirki wagtda Türkmenistan üstaşyr ulag geçelgelerininiň merkezinde Beýik Ýüpek ýolunyň merkezinde ýerleşýär. Söwda-ykdysady ulgam iki ýurduň arasyndaky gatnaşyklaryň esasy ugry bolup durýar. Mundan başgada duşuşygyň dowamynda iki goňşy ýurduň serhet ýakalarynda däne ammarlary, söwda toplumlaryny we iki ýurt üçin hem ähmiýetli bolan beýleki desgalary gurmak bilen baglanşykly meseleler ara alnyp maslahatlaşyldy.

Eziz Batyrow,
Türkmen oba hojalyk institutynyň
Agronomçlyk fakultetiniň
2-nji ýyl talyby.