14-nji martda «Türkmenistan» awiakompaniýasy «Boeing 777-200 LR» uçary bilen Warşawa — Türkmenbaşy ugry boýunça ýörite uçar gatnawy amala aşyryldy. Bu ýörite uçar gatnawy arkaly türkmen raýatlary Polşadan we goňşy ýurtlardan öz watanyna dolandy.

Uçar ýerli wagt bilen Warşawa Frederik Şopena halkara howa menzilinden 13-nji martda sagat 21:19-da Türkmenbaşa tarap ugur aldy.

Bütindünýä saglygy goraýyş guramasynyň (BSGG) talaplaryna laýyklykda, Warşawadan ýörite uçar gatnawy bilen getirilen türkmen raýatlary karantin çärelerini berjaý ederler.