Şu ýylyň 27-nji martynda Ýaponiýanyň Tokio şäherinde Türkmen-ýapon kiçi we orta telekeçileriniň işewürler forumyny geçirmek göz öňünde tutulýar. Forumyň barşynda maýa goýum, senagat, ulag we logistika, şeýle hem hususy ulgamlarda iki ýurduň arasyndaky hyzmatdaşlygy ösdürmegiň mümkinçiliklerine garalar.

Şunuň bilen birlikde, Ýaponiýada geçiriljek «EKSPO – 2025» Bütindünýä sergisinde Türkmenistanyň Milli pawilýony hem-de onda alnyp barylýan işler bilen tanyşdyrmak göz öňünde tutulýar.

Mälim bolşy ýaly, daşary ýurtlar bilen söwda-ykdysady gatnaşyklary ösdürmegiň döwletimiziň daşary syýasatynyň ileri tutulýan ugurlarynyň biridir. Ýurdumyzda we daşary ýurtlarda yzygiderli geçirilýän sergileriň, işewürler maslahatlaryň we forumlaryň hyzmatdaşlygyň gerimini giňeltmekde uly ähmiýete eýedir.

Dünýä BÄŞIMOWA,

Döwletmämmet Azady adyndaky
Türkmen milli dünýä dilleri
institutynyň talyby.