20-nji iýulda ýurdumyza Gruziýanyň Premýer-ministri Irakli Garibaşwili resmi sapar bilen geldi. Gruziýanyň Premýer-ministriniň ýolbaşçylygyndaky wekilçilikli toparyň ýolbaşçylary Türkmenistanyň degişli ministrliklerinde gepleşikler geçirdi.

Şunuň bilen baglylykda, Türkmenistan bilen Gruziýanyň arasynda göni awiagatnawlary ýola goýmak we iki ýurduň arasynda ýük gatnawlaryny artdyrmak babatda ylalaşyga gol çekişdi.

Gruziýanyň ykdysadyýet ministri Lewan Dawitaşwili bu barada beren beýanatynda: “Biz söwda gatnaşyklaryny has-da pugtalandyrmagyň mümkinçiliklerini, şeýle hem has köp gruzin harytlaryny Türkmenistana eksport etmegiň ugurlaryny ara alyp maslahatlaşdyk» –  diýip belläp geçdi.