1-nji sentaýbrda Gahryman Arkadagymyzyň parasatly başlangyçlary esasynda  ýurdumyzda her ýylda geçirilmegi asylly däbe öwrülen «Ýol hereketiniň howpsuzlygy — ömrümiziň rahatlygy» atly biraýlyk çärä badalga berildi. 

Biraýlygyň dowamynda geçirilýän çäreler ýol hereketine gatnaşýan pyýadalaryň we sürüjileriň ählisiniň hukuk garaýyşlarynyň kämilleşmegine, ýol medeniýetini berjaý etmekdäki hoşniýetli garaýyşlarynyň, ynsanperwer gatnaşyklarynyň has ýokarlanmagyna täsirini ýetirip, jemgyýetimiziň iň gymmatly hazynasy bolan adamyň saglygy we howpsuzlygy hakynda döwlet derejesindäki aladanyň aýdyňlygyny görkezýär.

«Ýol hereketiniň howpsuzlygy hakynda» Türkmenistanyň Kanuny halkymyzyň durmuşynyň asudalygy bilen birlikde, ýurdumyzyň arassa, ýagty, hereketleri amala aşyrmak üçin dünýäniň iň kämil enjamlary ornaşdyrylan ýollarymyzda sazlaşykly işleriň ýola goýulmagyny üpjün edýär. Şeýle sazlaşan hereketleriň ykdysady, syýasy, hukuk, ekologik taýdan oňyn netijeleri döretmegi göz öňünde tutulýar. Ýurdumyzyň ähli ýerlerinde asylly däp bolan biraýlygyň çäklerinde wagyz-nesihat işleri giňden ýaýbaňlandyrylýar.