Ýurdumyzdan Gazagystanyň üsti bilen ugradylan konteýner ýükli otly bäş günden Hytaýa bardy. Otluda gips ýüklenen kyrk futluk konteýnerleriň 42-si bar. Konteýner ýükli otlynyň ekspeditory «KTZ Express» PJ we «Türkmenistanyň Ulag-logistika Merkezi» AGPJ-dir.

Ýurdumyzdan ugradylan konteýner ýükli otlynyň geçmeli umumy uzaklygy 4150 kilometr bolup, onuň 3450 kilometri Gazagystanyň içinden geçýär.

Ýatladyp geçsek, «Türkmenistanyň Ulag-logistika Merkezi» AGPJ (TULM) 2018-nji ýylda döredildi we daşalýan halkara hem-de poçta ýükleriniň möçberini artdyrmaga ýardam etdi. “TULM” AGPJ - şeýle hem Hytaýdan Türkmenistana demir ýol konteýner ýüküni getirmegi gurady, ilkinji sostaw 2020-nji ýylyň maý aýynda Gypjak stansiýasyna gelipdi.