Ýurdumyzyň gönden ýokary hilli aýakgap öndürijileri 12-14-nji oktýabrda Özbegistanyň paýtagynda geçiriljek gön-aýakgap senagatynyň «UzCharmExpo-2022» 13-nji Halkara sergi-ýarmarkasyna gatnaşarlar.

«UzCharmExpo» Halkara sergi-ýarmarkasy ýylda iki gezek geçirilip, Merkezi Aziýada iri sergileriň biridir. Sergide Russiýadan, Belarusdan, Türkiýeden, Hindistandan we beýleki ýurtlarda öndürilen aýakgap harytlary görkeziler.

Sergä gatnaşmak isleýän ýurdumyzyň wekilleri Söwda-senagat edarasyna degişli talapnama bermeli ýa-da (+993 12) 39 88 81 telefon belgisine jaň etmeli.

Mälim bolşy ýaly, ýurdumyzda ýerli gönden tikilen brendleriň arasynda «Röwşen», «MB Shouse», «Ýelken», şeýle hem «Sada» söwda belgili aýakgaplar bar.