Türkmenistanyň karz edaralarynyň 2022-nji ýylyň 1-nji oktýabr ýagdaýyna kärhanalara, guramalara we ilata milli pulda beren karzlarynyň umumy möçberi 88 milliard 116 million manada deň boldy. Bu 2021-nji ýylyň degişli döwri bilen deňeşdirilende 16,7% ýokarydyr. 2021-nji ýylyň 1-nji oktýabr ýagdaýyna berlen karzlaryň umumy möçberi 75 milliard 481 million manada deň boldy.

Şeýle hem, 2022-nji ýylyň 1-nji oktýabr ýagdaýyna Türkmenistanyň karz edaralarynyň döwlet eýeçiligine degişli kärhanalara we guramalara milli pulda beren karzlarynyň möçberi 58 milliard 206 million manada barabar boldy. Bu 2021-nji ýylyň degişli döwri bilen deňeşdirilende 9,1% ýokarydyr.

Türkmenistanyň Merkezi bankynyň mälim eden maglumatlaryna görä, 2021-nji ýylyň 1-nji oktýabr ýagdaýyna bu karzlaryň umumy möçberi 53 milliard 360 million manada deň boldy.

Mundan başga-da, Türkmenistanyň karz edaralarynyň döwlet eýeçiligine degişli bolmadyk kärhanalara we guramalara milli pulda beren karzlarynyň möçberi 11 milliard 870 million manada (2021-nji ýylyň degişli döwri bilen deňeşdirilende 57,7% ýokary),  2022-nji ýylyň 1-nji oktýabr ýagdaýyna raýatlara we edara görnüşindäki tarapy döretmeýän telekeçilere milli manatda berlen karzlaryň umumy möçberi 18 milliard 40 million manada deň (2021-nji ýylyň degişli döwri bilen deňeşdirilende 23,6% ýokary) boldy.