Türkmenistanyň Döwlet gümrük gullugynda «Ýurdumyzda üstaşyr ulag geçirijiligi we logistikany ösdürmek, ýurdumyzyň çäginden geçýän üstaşyr ulag geçelgeleriniň özüne çekijiligini ýokarlandyrmak» atly pudagara maslahat geçirildi.

Geçirilen pudagara maslahata Gullugyň harby gullukçylary, Türkmenistanyň Ministrler Kabinetiniň ýanyndaky Ulag we kommunikasiýalar agentliginiň düzüm birlikleriniň hem-de «Türkmen Logistika» assosiasiýasynyň, Türkmenistanyň halkara awtoulagly daşaýjylarynyň assosiasiýasynyň wekilleri hem-de Türkmenistanyň telekommunikasiýalar we informatika institutynyň mugallymy we talyplary gatnaşdylar.

Maslahatyň barşynda sorag-jogap alşylyp, teklipler jemlenildi, işde ýüze çykýan soraglar ara alnyp maslahatlaşyldy hem-de agzalan ugur boýunça öňde goýlan wezipeleri durmuşa geçirmekde ýakyn geljekde ýerine ýetirilmeli çäreler kesgitlenildi.