Türkmenistanyň Prezidenti Serdar Berdimuhamedow Saud Arabystany Patyşalygynda resmi saparda bolar. Bu barada, Türkmenistanyň Daşary işler ministri Raşid Meredow we Saud Arabystany Patyşalygynyň Daşary işler ministri Faýsal bin Farhan Al Saud bilen telefon arkaly duşenbe güni geçirilen söhbetdeşligiň barşynda amala aşyryljak resmi sapara görülýän taýýarlyk işlerini ara alyp maslahatlaşdylar.

Geçirilen gepleşikleriň barşynda taraplar ikitaraplaýyn hyzmatdaşlygyň gidişini we ileri tutulýan ugurlaryna garadylar.

Sapara taýýarlygyň çäklerinde meseleleriň giň gerimi boýunça ikitaraplaýyn syýasy geňeşmeleriň geçirilmegi üçin iýun aýynyň ahyryna çenli Saud Arabystanynyň DIM-niň ýolbaşçysynyň orunbasarynyň Türkmenistana saparyny gurnamak barada ylalaşyk gazanyldy. Şeýle hem, şu ýylyň ikinji ýarymynda Er-Riýadda Söwda-ykdysady hyzmatdaşlyk boýunça Hökümetara türkmen-saud toparynyň nobatdaky mejlisini geçirmek barada ylalaşyldy.