Ak bugdaý etrabyndaky 44-nji orta mekdebiň mejlisler jaýynda geçirilen wagyz-nesihat duşuşygy Türkmenistanyň Magtymguly adyndaky Ýaşlar guramasynyň etrap Geňeşi hem-de etrap polisiýa bölüminiň kämillik ýaşyna ýetmedikleriň işi boýunça bölümçesi tarapyndan bilelikde guraldy. Oňa ýokary synp mekdep okuwçylarydyr ýaş mugallymlar gatnaşdy.

Duşuşykda Gahryman Arkadagymyzyň başlyklyk etmeginde paýtagtymyzda geçirilen Türkmenistanyň Milli Geňeşiniň Halk Maslahatynyň we Mejlisiniň bilelikdäki mejlisinden gelip çykýan wezipelere, kabul edilen çözgütleriniň taryhy ähmiýetine üns çekildi. Çykyş edenler Milli Liderimiziň: «Biziň ösüşlerimiz, ata Watanymyzyň berkararlygy, ýurdumyzyň asudalygy, il-günümiziň abadançylygy ýaşlarymyza baglydyr» diýen çuň manyly sözleriniň gözbaşynda türkmen ýaşlaryna belent ynam bildirilýändigi bilen baglanyşykly hakykatyň durandygyny aýratyn bellediler hem-de şol ynama mynasyp jogap berjekdiklerini nygtadylar.

Duşuşykda ýurdumyzda ýaşlar barada edilýän aladalar üçin Milli Liderimiziň hem-de Arkadagly Serdarymyzyň adyna alkyş sözleri aýdyldy.