Ýurdumyzda geljekki ýaş-nesilleriň bilimli, giň dünýägaraýyşly bolmagy üçin beýik hem-de tutumly işler durmuşa geçirilýär.  Ýaşlar-geljekki nesiller ýurdumyzyň bu aladalaryna özleriniň mynasyp işleri, okuwlary bilen jogap berýärler. “Altyn asyryň altyn zehinlileri” atly bäsleşigiň etrap, şäher we welaýat tapgyrlaryna diýseň uly höwes bilen gatnaşyp, özleri üçin döredilýän mümkinçiliklerinden netijeli peýdalanýarlar.

        Şu ýyl “Türkmenistan-Bitaraplygyň mekany” ýylynyň fewral aýynyň 14-15-i aralygynda bu bäsleşigiň Ahal welaýat tapgyry geçirildi. Oňa Tejen şäheriniň mekdepleriniň 9-njy synp okuwçylarynyň 48-si gatnaşyp, olaryň arasynda 24-si hormatly baýrakly orunlara mynasyp boldular. Dersleriň 10 görnüşi boýunça geçirilen bu bäsleşikde, aýratyn zehinliler ýüze çykaryldy. Şonda şäheriň 12-nji, 3-nji we 5-nji orta mekdepleriň zehinli çagalary özleriniň has hem tapawutlylygyny görkezdiler. Ýaryşyň ýeňijilerine Ahal welaýat Baş bilim müdirliginiň hormat hatlary bilen sylaglandylar.