Aşgabat şäher häkimliginiň «Mekan» köşgünde 1941 — 1945-nji ýyllaryň Beýik Watançylyk urşunda gazanylan Ýeňşiň 81 ýyllygy mynasybetli dabaraly çäre geçirildi. Çäräniň dowamynda uruş weteranlaryna hem-de uruşda şehit bolan esgerleriň ýanýoldaşlaryna hormatly Prezidentimiziň adyndan pul sowgadynyň hem-de gymmat bahaly sowgatlaryň gowşurylyş dabarasy boldy.

Ýurdumyzda her ýyl Beýik Ýeňiş güni mynasybetli uruş weteranlaryna döwlet derejesinde hormat-sarpa goýmak asylly däbe öwrüldi. Dabarada çykyş eden weteranlar uruş ýyllaryndaky agyr günleri ýatlap, döwlet tarapyndan edilýän alada üçin hoşallyk sözlerini aýtdylar.

Dabara gatnaşyjylar ata-babalarymyzyň görkezýän gahrymançylygyny, edermenligini we Beýik Ýeňşiň taryhy ähmiýetini uly buýsanç bilen bellediler.

Soňra dabaraly ýagdaýda Ýeňiş güni mynasybetli uruş weteranlaryna, uruşda wepat bolan esgerleriň ýanýoldaşlaryna Türkmenistanyň Prezidentiniň adyndan pul sowgady hem-de gymmat bahaly sowgatlar gowşuryldy.

Maýa ŞÖHRADOWA,

Halkara senagatçylar we
telekeçiler uniwersitetiniň talyby.