Ýewropanyň köp ýurtlarynda dümew we şuňa meňzeş dem alyş ýollary bilen bagly keselleriň köpelmegi sebäpli ýokary temperatura, bogun agyry, bokurdak agyry we dem alyş kesellerine garşy göreşmek üçin ulanylýan dermanlary tapmakda kynçylyklar ýüze çykdy.

Derman önümçiliginiň ýokary çykdajylary we önümçiligiň Ýewropanyň daşyndalygy sebäpli, üpjünçilik zynjyrynda bökdençlikler hasaba alyndy.

BSGG dünýä döwletlerine dümewe garşy sanjym çärelerini güýçlendirmek barada duýduryş berdi.

Belläp geçsek, Awstriýada, Gresiýada, Polşada, Şweýsariýada, Gollandiýada, Fransiýada ýüz müňlerçe adam dümewledi. Hassahanalarda dümew bilen baglanyşykly wakalar köpeldi.