Ýewropanyň merkezi böleginde we Balkan ýarym adasyndaky döwletlerde gar ýagdy. Bu sebitlerde ozal howanyň temperaturasy 30°C-e gradusa ýetýän adaty bolmadyk yssy ýazy başdan geçirýärdi.

Bu barada “Euronews”-yň habar bermegine görä Awstriýa, Horwatiýa, Rumyniýa, Bosniýa we Gersegowinanyň käbir ýerlerinde gar ýagýar. Geçen hepdäniň ahyrynda bu sebitde howanyň temperaturasy 30°C dan ýokarydy. Rumyniýada iki gün dowam eden yssydan soň, şu hepde temperatura 20°C-a çenli peseldi. Şeýlelik bilen, ýurduň demirgazyk-günbataryndaky Kluž-Napoka şäherinde termometriň sütünjigi 25°C-den 4°C-e çenli aşaklady.

Awstriýada doňaklyk sebäpli birnäçe ýol heläkçilik hadysalary boldy we köp ýollarda typmakdan goraýan zynjyrlar dakmaklyk gerek boldy. Gyssagly kömek gulluklary agaçlaryň ýollara we elektrik geçelgelerine ýykylmagyndan gorkýarlar.

Horwatiýanyň paýtagty Zagreb şäherini we birnäçe etraplary gar bilen örtüldi. Bu ýagdaý Balkan ýarym adasy sebitindäki döwletler üçin ýylyň bu wagty adaty däl howadyr. Klimatologlar howanyň temperaturasynyň birden peselmegini howanyň üýtgemegi bilen baglanyşdyrýarlar.
 

Dawut Döwletgeldiýew,
Türkmen oba hojalyk instituty
Agronomçlyk fakultetiniň talyby.