«NASA» - Ysraýylyň ilkinji «ULTRASAT» atly kosmos teleskopyny 2026-njy ýylyň başynda ýer orbitasyna çykarjakdygyny mälim etdi.

Berlen habarda teleskopyň işe girizilmeginiň «NASA» bilen Ysraýylyň innowasiýa, ylym we tehnologiýa ministrliginiň arasynda täze gol çekilen hyzmatdaşlygyň bir bölegidigi mälim edilýär. Teleskop alymlara neýtron ýyldyzlarynyň birleşmegi ýaly älemdäki wagtlaýyn wakalary ýüze çykarmak we seljermek boýunça kömek eder.

«ULTRASAT» kosmos teleskopy älemdäki wagtlaýyn wakalary ýüze çykarmak üçin ultramelewşe şöhlelerinden peýdalanar. Teleskop Ysraýylyň geljekdäki kosmos başlangyçlaryna uly ýol açar.