Ak bugdaý etrabyndaky ýöriteleşdirilen 27-nji orta mekdepde Türkmenistanyň Bilim ministrligi tarapyndan yglan edilen «Ýylyň mugallymy — 2023» atly bäsleşigiň welaýat tapgyry geçirildi. Bäsleşige etrap tapgyrlarynda ýeňiji bolan mugallymlar gatnaşdy.

Bäsleşigiň çäginde bilim işgärleri tarapyndan taýýarlanan okuw-görkezme esbaplarynyň sergisi guraldy.

Täsirli geçen bäsleşigiň netijesinde Ak bugdaý etrabyndaky 2-nji orta mekdebiň mugallymy Näzik Täçmyradowa ýeňiji bolup, döwlet derejesindäki jemleýji tapgyra gatnaşmaga hukuk gazandy.