Gökdepe etrabynyň Yzgant şäherçesiniň Mälikguly Berdimuhamedow adyndaky Medeniýet köşgünde, Ahal welaýat häkimliginiň, jemgyýetçilik guramalarynyň hem-de Medeniýet müdirliginiň bilelikde guramagynda «Nusgalykdyr päk ykbaly atamyň» atly maslahat geçirildi. Maslahata Gökdepe etrabynyň edara-kärhanalarynyň, jemgyýetçilik guramalarynyň ýolbaşçylary, oba, şäherçe geňeşlikleriniň arçynlary, Türkmenistanyň Milli Geňeşiniň Halk Maslahatynyň agzalarydyr Mejlisiniň deputatlary, ýaşuly nesliň wekilleri hem-de beýleki myhmanlar gatnaşdy.

Maslahat hormatly Prezidentimiziň atasy Mälikguly Berdimuhamedowyň Medeniýet köşgüniň öňündäki giň meýdança görk goşup oturan nurana ýadygärligine gül goýmak çäresinden başlandy. Maslahata gatnaşyjylar ýadygärligiň etegine ter güllerden boglan çemenleri goýup, Watanyň wepaly ogly Mälikguly Berdimuhamedowyň ruhuna tagzym etdiler, beýik ynsany sarpaladylar.