Ahal welaýatynyň Tejen etrabynyň awtoulag kärhanasynda Türkmenistanyň Kärdeşler arkalaşyklarynyň welaýat hem-de Tejen etrap birleşmeleri tarapyndan guralan “Zähmeti goramak sagdyn we howpsuz iş şertleriniň girewidir” ady bilen okuw maslahaty geçirildi. Okuw maslahatyna kärhananyň degişli hünärmenleri gatnaşdy.

Maslahat - zähmeti goramagyň degişli talaplaryna laýyk gelýän guramaçylyk-tehniki, sanitariýa arassaçylyk, bejeriş-öňüni alyş, dikeldiş we howpsuz zähmet şertleriniň, zähmeti goramak boýunça gollanmalaryň göwnejaý ýöredilişiniň üpjün edilmegini gazanmak, önümçilikdäki betbagtçylykly hadysalaryň öňüni almak maksady bilen geçirildi.