Golaýda, Ak bugdaý etrabynda «Türkmenistan — ruhubelentligiň we sagdynlygyň ýurdy» atly XII spartakiadanyň çäginde kiçi futbol ýaryşy geçirildi. Ýaryş - «Türkmenistan» Ýaşlar bedenterbiýe-sport guramasynyň welaýat bölümi, etrap bilim bölümi, Türkmenistanyň Magtymguly adyndaky Ýaşlar guramasynyň welaýat we Ak bugdaý etrap Geňeşleri tarapyndan bilelikde guralyp, etrapdaky ýöriteleşdirilen 27-nji orta mekdebiň sport meýdançasynda geçirildi.

Etrapdaky orta mekdeplerden gatnaşan, okuwçy oglanlardan düzülen toparlar öz aralarynda çekeleşili duşuşyklary geçirdiler. Şol duşuşyklaryň netijesinde 1-nji, ýöriteleşdirilen 27-nji we 45-nji orta mekdepleriň toparlary degişlilikde baýrakly birinji, ikinji, üçünji orunlary eýelediler. Ýeňijiler guramaçylar tarapyndan sylaglandy.