Ak bugdaý etrabyndaky 9-njy orta mekdebiň sport meýdançasynda, Türkmenistanyň Magtymguly adyndaky Ýaşlar guramasynyň etrap Geňeşi hem-de etrap bilim bölüminiň bilelikde gurnamagynda «Sport—rowaçlyga badalga» ady bilen estafeta ýaryşy geçirildi.

Ýaryşa ýokary synp okuwçy ýaşlardan düzülen toparlaryň birnäçesi gatnaşdy.

Geçirilen ýaryşda toparlar öz aralarynda bäsleşdiler. Çekeleşikli geçen ýaryşda «Ruhubelent» topary estafeta ýaryşynda üstün çykyp, Türkmenistanyň Magtymguly adyndaky Ýaşlar guramasynyň etrap Geňeşiniň sowgadyna mynasyp boldy.