Şu gün Bütindünýä saglyk güni mynasybetli Ahal welaýatynda hem hakyky toý ruhuna beslenen sport-sagaldyş çäreleri geçirildi.

Ir bilen Ak bugdaý etrabynyň çäginde ýaýbaňlandyrylan welosipedli ýöriş şu günki welaýat derejesindäki çärelere özboluşly badalga boldy. Halkalaýyn aýlaw ýolunyň ugrundaky ýörite niýetlenen ýerden Änew şäherine tarap badalga alan köpçülikleýin welosipedli ýörişe welaýat, etrap häkimlikleriniň, guramalaryň, edara-kärhanalaryň ýolbaşçylarydyr işgärleri, jemgyýetçilik guramalaryň wekilleri, ýaşlar, türgenler, ýerli ýaşaýjylar we beýleki köp sanly raýatlar goşuldylar.

Änew şäherindäki Medeniýet öýüniň gabadynda pellehanada sungat ussatlarynyň çykyşlary ýaýbaňlandyryldy.