Amerikanyň Birleşen Ştatlarynda geçirilen gözlegde, ýapyk ýerlerde we binalarda gazda nahar bişirmegiň saglyga ýetirýän täsirleri öwrenildi. Şoňa görä-de, gazda nahar bişirmegiň demgysma keseline sebäp bolup bilýändiginiň üsti açyldy.

Mälim bolşy ýaly häzirki wagtda dünýäniň birnäçe ýurtlarynda nahar bişirmek üçin tebigy gazdan peýdalanylýar. Mundan öň geçirilen gözlegler gazda nahar bişirmegiň azot dioksidiniň  derejesini has ýokarydygynyň üstüni açypdy.

Geçen aý Halkara Daşky gurşawy öwreniş we jemgyýetçilik saglygy žurnalynda, diňe geçen 2022-nji ýylyň dowamynda 650 müň adamyň gazda nahar bişirmegiň netijesinde demgysma keseline sebäp bolandygy mälim edilýär. Şeýle hem žurnalda gazda nahar bişirmegiň ýetirýän zyýanynyň çilimiňki bilen deň derejedeligi aýdylýar.

Bütindünýä saglygy goraýyş guramasynyň maglumatlaryna görä, dünýäde 262 million adamyň demgysma keseli bar we dünýäde her ýyl 400 müňden gowrak adam demgysma sebäpli aradan çykýar.