Alymlar Wikipediýanyň has köp ulanylýan 42 dilli görnüşlerinden, 40 milliondan gowrak makalalardan alnan 230 million çeşmelere salgylanmalary seljerdiler. Netijede, «Wikipediýanyň» iňlis dilindäki maglumatlaryň diňe 2,6 göterimi ylmy neşirýatlara salgylanýandygy anyklanyldy. Beýleki dillerdäki maglumatlaryň ylmy çeşmelere salgylanmasy has pes bolup, olar 0,3%-den 6,6% aralykda görkezildi. Köplenç ylmy çeşmelere ensiklopediýanyň arap, koreý we serb-horwat dillerdäki görnüşleri salgylanýarlar.

Şeýle tapawutlaryň bolmagy, «Wikipediýanyň» dürli dilli görnüşleriniň çeşmäniň ygtybarlylygyna baha bermek boýunça özbaşdak düzgünleriniň ýa-da talaplarynyň bolmagy bilen baglydyr. Şol bir wagtda, makalalardaky maglumat, ygtybarly çeşmelere esaslanmalydygy, onlaýn-ensiklopediýanyň okyjylarynyň bolsa, mazmundaky kesgitli maglumatlary barlap bilmek mümkinçiliginiň bolmalydygy, Wikipediýanyň iň esasy düzgünleriniň biri bolup durýar. Ylmy çeşmeleriň bolmaklygy wajypdyr, sebäbi ol göni okyja çeşmedäki maglumaty barlamaga mümkinçilik berýär.

Şeýle hem alymlar, has wajyp maglumatlary toparlara böldüler. Bu bolsa, dürli dillerde çeşmeleriň ygtybarlylygy bahalandyrylan sanawlary düzmeklige mümkinçilik berer. 

Aýsülük SAPARGLYJOWA,

Türkmen oba hojalyk institutynyň mugallymy.