Angliýanyň paýtagty Londonda «Apple»-iň täze şäherçesiniň gurluşygy tamamlaýjy tapgyrda alnyp barylýar. Londondaky satuw nokatlaryna baryp gören Tim Kuk täze şäherçäniň 2023-nji ýylyň başynda işe başlajakdygyny habar berdi.

Tim Kuk özüniň «Twitter» hasabynda: «Geljek ýylyň başynda Londonda «Apple»-iň täze şäherçesi işe başlar. Bu ýerde täze ofisler açylar. Biz muňa sabyrsyzlyk bilen garaşýarys. » - diýip belläp geçdi.

Londonda açylmagy meýilleşdirilýän «Apple» şäherçesi ilkinji gezek 2016-njy ýylda meýilleşdirilipdi. Şäherçe açylandan soňra, ABŞ-daky ofisden soň iň uly ikinji ofis bolar. «Apple»-iň täze şäherçesi, «Battersea» elektrik stansiýasynda ýerleşip bu elektrik stansiýanyň 40 göterimini tutýar. Londonda açyljak «Apple»-iň täze şäherçesi üçin 5 müň milliard ýewrodan gowrak maýa goýum goýuldy.

Azat HALMYRADOW,

Türkmen döwlet binagärlik-gurluşyk
institutynyň talyby.