Berkarar döwletiň täze eýýamynyň Galkynyşy döwründe ýurdumyzyň bilim ulgamyny ösdürmek we onuň maddy-enjamlaýyn binýadyny berkitmek boýunça işler dowam etdirilýär.

Türkmenistanyň Prezidenti Karara gol çekip, Aşgabat şäheriniň “Parahat — 7” ýaşaýyş toplumynda 720 orunlyk umumybilim berýän mekdebiň gurluşygyna rugsat berdi.

✔ Taslama düzüji we ýerine ýetiriji: “Derýa gurluşyk” hususy kärhanasy.
✔ Gurluşygyň başlanjak senesi: 2024-nji ýylyň sentýabr aýy.
✔ Tamamlanjak senesi: 2026-njy ýylyň sentýabr aýy.
✔ Ýanaşyk ýerleriň abadanlaşdyrylmagy: Mekdebiň töwereginde degişli infrastruktura hem dörediler.

Bu taslama “Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasynyň” çäklerinde amala aşyrylýar. Şeýle hem paýtagtymyzyň binagärlik-şähergurluşyk keşbini has-da gözelleşdirmek maksady bilen durmuşa geçirilýär.

Täze mekdebiň gurulmagy paýtagtymyzda bilim ulgamynyň ösdürilmegine uly goşant goşar!