Birleşen Milletler Guramasynyň Deňze çykalgasy bolmadyk ösüp barýan ýurtlar boýunça Üçünji maslahatynyň (LLDC3) çäklerinde geçirilýän Ýaşlar forumy şu gün Awazanyň Sportuň başa-baş sungatlary binasynda öz işine başlady. Forum, 32 döwletiň ýaş delegatlaryny bir ýere jemläp, ýaşlaryň halkara derejesindäki hyzmatdaşlygyna giň ýol açdy.

Forumyň açylyş dabarasy ýokary derejeli çykyşlar bilen başlandy hem-de gatnaşyjy ýaşlaryň “maşgala suraty” surata düşmek çäreleri bilen dowam etdi. Gün tertibiniň iň esasy wakalarynyň biri bolsa “Deňiz çykalgasy bolmadyk ýurtlaryň geljegi üçin köpri gurmak” atly Ýaşlar Jarnamasynyň kabul edilmegi boldy. Bu resminama ýaşlaryň öz geljeklerine degişli garaýyşlaryny we pikir alyşlaryny jemleýän möhüm başlangyç hökmünde çykyş edýär.

Günüň ikinji ýarymynda Landlinked maksatnamasynyň ýeňijileri sylaglandy, ýaşlaryň innowasion taslamalaryny görkezýän ýörite sergi guraldy. Şeýle-de ýaş telekeçiler Durnukly Ösüş Maksatlaryna (DÖM) laýyk gelýän täzelikçi başlangyçlaryny tanyşdyrdylar.

Forum ertir nesilleriň arasynda gepleşik we pikir alyşmalar bilen dowam eder. Ýaşlaryň sesiniň eşidilmegi, olaryň pikirleriniň syýasatlara we deňze çykalgasy bolmadyk ýurtlaryň ösüş ugurlaryna ýetirýän täsiri ara alnyp maslahatlaşylar.

Merjen ALLABERDIÝEWA,
Türkmenistanyň Döwlet energetika institutynyň mugallymy.