Alymlaryň geçiren täze gözleglerine görä, Aý ýuwaş-ýuwaşdan Ýerden daşlaşýar. Ýagny her ýyl, Aý planetamyzdan 3,8 sm uzaklaşýar. Bu hadysa milliardlarça ýyl bäri dowam edip gelýän eken, ýöne muny alymlar ýaňy-ýakynda bildiler.

Ylmy maglumatlara görä, Aý Ýerden 238,855 mil uzaklykda ýerleşýär. Mundan 2.45 milliard ýyl ozal bolsa Aý bilen Ýeriň arasyndaky aralyk 200,000 milden azdy.

Aý, Ýerdäki sagat akymyny kesgitlemekde möhüm rol oýnaýar. Aý näçe uzak bolsa, günler şonça uzyn bolýar. 2,45 milliard ýyl ozal günler 24 sagat däl-de, 16,9 sagatdy. Aýyň Ýerden gitdigiçe uzaklaşmagy bir günüň has uzaga çekjekdigini aňladýar. Ýöne beýle wakanyň bolmagy üçin ylmy taýdan millionlarça ýyl gerek.