Bäherden etrabyndaky orta mekdepleriň okuwçylary «Türkmenistan — ruhubelentligiň we sagdynlygyň ýurdy» atly XII spartakiadanyň çäginde sportuň dürli görnüşleri boýunça guralýan ýaryşlara ruhubelentlikde gatnaşýar. Agzalan spartakiadanyň çäginde geçirilen woleýbol ýaryşyna mekdepleriň aglabasyndan toparlar gatnaşyp, sport ussatlygyny görkezdi.

Ýaryş etrapdaky 27-nji orta mekdebiň sport zalynda geçirildi. «Türkmenistan» Ýaşlar bedenterbiýe-sport guramasynyň welaýat bölümi, etrap bilim bölümi hem-de jemgyýetçilik guramalary tarapyndan bilelikde guralan ýaryşda etrapdaky 27-nji, 1-nji, 4-nji orta mekdepleriň okuwçy oglanlaryndan düzülen toparlar degişlilikde birinji, ikinji, üçünji orunlara mynasyp boldy.